Bolt Azərbaycan və INSUN Yaşam Mərkəzi Mental Sağlamlıq Üçün Əhəmiyyətli Əməkdaşlığa İmza Atdı

Bolt Azərbaycan, əməkdaşlarının mental sağlamlığını qorumaq və dəstəkləmək məqsədilə INSUN Yaşam Mərkəzi ilə əməkdaşlığa başlayıb. Bu əməkdaşlıq çərçivəsində Bolt Azərbaycan əməkdaşlarının iş həyatında qarşılaşdıqları stressin idarə edilməsi, daxili balansın qorunması və psixoloji rifahın təmin olunması üzrə peşəkar dəstək göstəriləcək.

Bu barədə Biznes TV INSUN.az-a istinadən xəbər verir.

İş mühitində stress və digər psixoloji çətinliklərin əməkdaşların performansına təsir etdiyini nəzərə alan Bolt Azərbaycan, əməkdaşlarının həm iş, həm də şəxsi həyatlarında daha sağlam və balanslı bir mühit yaratmağı əsas dəyərlərindən biri hesab edir. INSUN Yaşam Mərkəzinin peşəkar komandası bu istiqamətdə fərdi və qrup terapiyaları, kouçinq sessiyaları və digər psixoloji dəstək xidmətləri təqdim edəcək.

Bolt Azərbaycan bu əməkdaşlıqla işçilərinin rifahını prioritet olaraq vurğulayan bir şirkət olduğunu bir daha sübut edir. Şirkət, əməkdaşlarının yalnız peşəkar fəaliyyətlərini deyil, eyni zamanda emosional və mental sağlamlıqlarını da gücləndirməyə yönəlmiş addımlar atmağa davam edir.

INSUN Yaşam Mərkəzi və Bolt Azərbaycanın ortaq hədəfi:

• Əməkdaşların emosional gücünü artırmaq;
• Stress və digər çətinlikləri effektiv idarə etməyə dəstək olmaq;
• İş həyatında balansın və daxili rahatlığın təmin olunmasına şərait yaratmaqdır.

Bu əməkdaşlıq, əməkdaşların rifahına edilən böyük bir investisiya olmaqla yanaşı, mental sağlamlığın əhəmiyyətini bir daha vurğulayır və bu sahədə fərqindəliyi artırır.