AZƏRBAYCAN İLBİZ İXRACINA BAŞLADI

SALYANDAN AVROPAYA
AZƏRBAYCAN İLBİZ İXRACINA BAŞLADI

Azərbaycanda ilbiz məhsullarının Avropa İttifaqı bazarına ixracına başlanılıb. Azərbaycan Qida Təhlükəsizliyi Agentliyi tərəfindən həyata keçirilən nəzarət və qiymətləndirmə tədbirləri nəticəsində Salyan rayonunun Şorsulu kəndində fəaliyyət göstərən, “Azarifrog” MMC-yə məxsus ilbiz istehsalı müəssisəsi Avropa İttifaqı ölkələrinə ixrac üçün qeydiyyata alınıb. Məlumat üçün bildirək ki, ilbizdən Avropa, Amerika və Asiyada kulinariyada, həmçinin bütün dünyada kosmetologiya sahəsində istifadə olunur. BMT Kənd Təsərrüfatı və Ərzaq Təşkilatının rəyinə görə ilbiz əti ekoloji baxımdan ən təmiz, insan orqanizmi üçün ən faydalı qidalardan biridir. Dünyada ilbiz ticarəti 2025-ci ildə 800 milyon dollara yaxın olub. Bu göstəricinin 2035-ci ilə qədər 2,07 milyard ABŞ dollarına qədər artacağı gözlənilir.