AZƏRBAYCANDA BAHALAŞMA NƏ QƏDƏR OLACAQ? “FITCH SOLUTIONS” ÖLKƏMİZLƏ BAĞLI İNFLYASİYA PROQNOZUNU YENİLƏYİB
“Fitch Solutions” beynəlxalq analitik şirkəti Azərbaycanda 2025-ci ildə orta illik inflyasiyanı 5.7, 2026-cı ildə 5.5, 2027-ci ildə isə 4.8 faiz səviyyəsində proqnozlaşdırır. Daha əvvəl şirkətin inflyasiya gözləntiləri 2025-ci ildə 6 və 2026-cı ildə isə 5.1 faiz səviyyəsində idi. Bundan əlavə “Fitch Solutions”-in
proqnozuna görə, orta illik inflyasiya 2028-ci ildə 4.8, 2029-cu ildə 4.9, 2030-cu ildə 4.7, 2031-ci ildə 5, 2032-ci ildə 4.9, 2033-cü ildə 4.8, 2034-cü ildə isə 4.9 faiz təşkil edəcək.
Azərbaycan İqtisadiyyat Nazirliyinin proqnozlarına görə isə ölkədə orta illik inflyasiya 2025-ci ildə 5.4, 2026-cı ildə 4.8, 2027-ci ildə isə 4.5 faiz təşkil edəcək. Azərbaycan Mərkəzi Bankının yenilənəm proqnozlarına görə, illik inflyasiyanın 2025-ci ildə 6, 2026-cı ildə isə 5.7 faiz ətrafında olacağı gözlənilir.
