“Bakcell” BMT-nin Qlobal Sazişinə qoşulub

İ“Innovasiya və sürət lideri “Bakcell” BMT-nin Qlobal Sazişinə qoşulub. Bununla bağlı “Bakcell”in baş icraçı direktoru Klaus Müller və BMT Qlobal Sazişinin Azərbaycan üzrə rəhbəri Samir Məmmədov arasında memorandum imzalanıb.

Klaus Müller bildirib ki, bu təşəbbüs dayanıqlı inkişaf və sosial məsuliyyətə sadiqliyi nümayiş etdirir: “BMT-nin Dayanıqlı İnkişaf Məqsədlərinə uyğun strategiyamızın əsasını Qlobal Sazişin 10 prinsipi təşkil edir.”

Samir Məmmədov vurğulayıb ki, “Bakcell” texnologiya vasitəsilə dayanıqlı gələcəyə töhfə verir: “Şirkət texnologiyanı daha yaxşı, məsuliyyətli həyat tərzi üçün əlçatan edəcək.”

Qeyd edək ki, “Bakcell” müxtəlif innovativ layihələrlə ölkənin iqtisadi inkişafına və ətraf mühitin qorunmasına töhfə verir. Şirkət eSIM texnologiyası ilə plastik tullantıları azaldır, bərpa olunan enerji layihələri həyata keçirir və hibrid iş rejimini dəstəkləyir.

BMT-nin Qlobal Sazişi dünyada dayanıqlı inkişaf üzrə ən böyük beynəlxalq təşəbbüsdür.”