Bakıda VIII Beynəlxalq Bankçılıq Forumu keçiriləcək

Dekabrın 3-4-də Bakıda “Mastercard”la əməkdaşlıq çərçivəsində VIII Beynəlxalq Bankçılıq Forumu keçiriləcək.

Forumun mövzusu etibarlı, təhlükəsiz və dayanıqlı bankçılıqdır. Tədbir Azərbaycan Banklar Assosiasiyası, Azərbaycan Mərkəzi Bankı və Rəqəmsal İnkişaf və Nəqliyyat Nazirliyinin dəstəyi ilə təşkil olunur.

İki günlük forum, Bakıda illik keçirilən ən nüfuzlu maliyyə-bank tədbirlərindən biri olmaqla, regionun əsas maliyyə platforması hesab edilir.

Artıq 8 ildir ki, forum sənaye liderləri və maraqlı tərəflərin bir araya gələrək yeni ideyaları paylaşdığı, məhsullarını nümayiş etdirdiyi, təcrübə mübadiləsi apardığı, eləcə də maliyyə texnologiyaları, rəqəmsallaşma və ödəniş ekosistemi kimi dərin mövzuların müzakirə edildiyi önəmli platforma olaraq tanınır.

Mənbə: AZƏRTAC.