BAYRAMLAR ÜST-ÜSTƏ DÜŞƏRSƏ NƏ BAŞ VERƏCƏK?
ƏMƏK MƏZUNİYYƏTİ İLƏ BAĞLI VACİB DƏYİŞİKLİK
Qurban və Ramazan bayramları başqa bayramlarla üst-üstə düşəcəyi halda əmək məzuniyyətinin necə tənzimlənəcəyi məlum olub. Bu, Prezident İlham Əliyevin tətbiqi barədə Fərman imzaladığı Əmək Məcəlləsinə dəyişiklikdə əksini tapıb.
Yeni qaydalara görə, əmək məzuniyyəti vaxtına düşən və iş günü sayılmayan bayram günləri məzuniyyət günlərinə daxil edilmir və həmin günlər üçün əməkhaqqı ödənilmir. Həmçinin, məzuniyyət dövrünə təsadüf edən ümumxalq hüzn günü və səsvermə günü də məzuniyyət günü hesab olunmur və ödəniş edilmir. Amma bu günlərin sayı qədər məzuniyyət müddəti uzadılır.
Əgər Qurban və ya Ramazan bayramı iş günü sayılmayan başqa bir bayramla eyni günə düşərsə və bu günlər məzuniyyət dövrünə təsadüf edərsə, həmin günlər yalnız bir gün kimi hesablanacaq.Qeyd edək ki, 2026-cı ildə Novruz və Ramazan bayramları üst-üstə düşür.
