3000 MANATDAN ÇOX BORC VERƏNLƏRİN DİQQƏTİNƏ

3000 MANATDAN ÇOX BORC VERƏNLƏRİN DİQQƏTİNƏ ALİ MƏHKƏMƏ YAZILI MÜQAVİLƏ ŞƏRTLƏRİNİ AÇIQLADI

Gündəlik həyatda verilən borclar çox vaxt şifahi razılaşma ilə edilir, lakin bu, sonradan ciddi problemlərə səbəb ola bilər. Ali Məhkəmənin açıqlamasına görə, borc 3000 manatdan çoxdursa və ya tərəflərdən biri hüquqi şəxsdirsə, müqavilə mütləq yazılı olmalıdır.Əks halda borc münasibəti əsassız varlanma kimi qiymətləndirilə bilər, iddia müddəti 3 ildən 2 ilə düşür və sübut etmək çətinləşir.Yazılı müqavilə borcun məbləğini və qaytarılma müddətini dəqiq göstərir, mübahisələrin qarşısını alır və sübutetmə yükünü azaldır.

Pul verərkən bank köçürməsindən istifadə etmək, qəbz və yazılı təsdiq almaq, mesajlaşmaları saxlamaq tövsiyə olunur. Şifahi borc və əlbəəl pul verilməsi isə məhkəmədə sübut edilməsinin çox çətin olduğunu göstərir və iddialar çox vaxt rədd edilir.