ADNAN ƏHMƏDZADƏ 1 İLDİR HƏBSDƏDİR
Vitse-prezident müavinliyindən dəmir barmaqlıqlar arxasına. Məşhur iş adamı Adnan Əhmədzadənin həbs edilməsindən 1 il ötüb.“Qafqazinfo”nun məlumatına görə, Əhmədzadə ötən ilin sentyabrında iqtisadi təhlükəsizliyə qarşı təxribat və xüsusilə külli miqdarda mənimsəmə ittihamları ilə həbs edilib.Onun barəsində əvvəlcə 4 aylıq həbs qətimkan tədbiri seçilib. Daha sonra həbs müddəti bir neçə dəfə uzadılıb. Hazırda ibtidai istintaq davam edir. Qeyd edək ki, Əhmədzadə əvvəllər SOCAR-ın investisiyalar və marketinq üzrə vitse-prezidentinin müavini vəzifəsində çalışıb. O, biznes fəaliyyəti və dünya şöhrətli futbolçular- Ronaldinyo, Messi və Suarez kimi ulduz futbolçularla olan əlaqələrinə görə də tanınıb.Əhmədzadənin həyat yoldaşı Gülsəfa Cəfərova isə onun həbsindən sonra ölkəni tərk edib.
