“AZƏRKOSMOS”DAN AÇIQLAMA

“AZƏRKOSMOS”DAN AÇIQLAMA GƏLİRLƏRİN ƏSAS HİSSƏSİ İXRACDAN FORMALAŞIR

Azərbaycanın peykləri Afrika, Avropa və Mərkəzi Asiyanı əhatə edən geniş coğrafiyada telekommunikasiya, yayım və internet xidmətləri göstərir.Bu barədə AZƏRTAC-a müsahibəsində “Azərkosmos”un İdarə Heyəti sədrinin satış məsələləri üzrə müşaviri Yolçu Həsənov bildirib.O qeyd edib ki, hazırda qurum Afrikanın 39 ölkəsində fəaliyyət göstərir. Peyk xidmətləri qitənin 70 faizini əhatə edir və 100 milyondan çox ev təsərrüfatına çıxış imkanı yaradır. Onun sözlərinə görə, “Azərkosmos”un gəlirlərinin əsas hissəsi məhz peyk xidmətlərinin ixracı hesabına formalaşır. Qurum xidmət sektoru üzrə ixrac həcminə görə həm dövlət, həm də qeyri-dövlət subyektləri arasında ön sıralarda qərarlaşıb. Bu çərçivədə Bakı teleportunda beynəlxalq şirkətlərə məxsus 9 antenna fəaliyyət göstərir, daha 7 antenna isə layihələndirilib.