BÜDCƏYƏ ÖDƏNİŞ ET, CİNAYƏT MƏSULİYYƏTİNDƏN AZAD OL

BÜDCƏYƏ ÖDƏNİŞ ET, CİNAYƏT MƏSULİYYƏTİNDƏN AZAD OL SAHİBKARLIQLA BAĞLI QANUNVERİCİLİYƏ DƏYİŞİKLİK EDİLİR

Qanunsuz sahibkarlıq, yalançı sahibkarlıq, rəqabəti məhdudlaşdırma kimi cinayət törədən və cinayət nəticəsində vurulan ziyanı tamamilə ödəyən və ya cinayət nəticəsində əldə edilən gəliri tamamilə dövlət büdcəsinə köçürən şəxslər, bundan əlavə vurulan ziyanın artıq bir misli yox, əlli faizi miqdarında dövlət büdcəsinə ödəniş etdikdə cinayət məsuliyyətindən azad ediləcəklər. Bununla bağlı Cinayət Məcəlləsinə təklif edilən dəyişiklik Milli Məclisdə müzakirəyə çıxarılıb. Layihəyə əsasən, artıq qanunsuz kredit almaq, rüsumlardan azad olmaq və ya digər əmlak mənfəəti əldə etmək, yaxud qadağan edilən fəaliyyəti gizlətmək məqsədi ilə sahibkarlıq fəaliyyətini həyata keçirmək niyyəti olmadan hüquqi şəxs yaratmadan fiziki şəxs kimi vergi uçotuna alınma, habelə qeyd edilən məqsədlə hüquqi şəxsin və ya vergi uçotuna alınan fiziki şəxsin fəaliyyətinin faktiki idarə edilməsi də yalançı sahibkarlıq hesab ediləcək. Qanun layihəsi parlamentdə üçüncü oxunuşda qəbul edilib.