DÜNYA TARİXİNƏ DÜŞƏN TƏYYARƏ ENİŞİ

DÜNYA TARİXİNƏ DÜŞƏN TƏYYARƏ ENİŞİ YANACAQSIZ QALAN HAVA GƏMİSİ ÇAYA DÜŞÜB

1963-cü il avqustun 21-də sovet sərnişin təyyarəsi Tu-124 Tallindən Moskvaya uçuşa qalxıb. Ekipaj heyətinə Viktor Mostovoyun rəhbərlik etdiyi təyyarənin göyərtəsində 45 sərnişin olub. Uçuş normal başlasa da, təyyarə havaya qalxandan sonra məlum olub ki, ön şassi tam yığılmayıb. Təyyarə qəza enişi üçün Leninqrada istiqamətləndirilib. Ekipaj nasazlığı aradan qaldırmağa çalışsa da cəhdlər uğursuz olub. Şassi tamamilə kilidlənmiş vəziyyətdə qalıb.

Bir birinin ardınca mühərriklər dayanandan sonra məlum olub ki, təyyarədə yanacaq bitib. Belə olan halda eniş zolağına çatmaq mümkün olmayıb. Ekipaj rəhbəri Viktor Mostovoy təyyarəni Neva çayına endirilməsi ilə bağlı qərar verib. İdarəetmə ikinci pilot, keçmiş hərbi dəniz pilotu Vasili Çeçenevə verilib.

Çeçenev şəhər üzərində manevr edərək təyyarəni çayın dar hissəsinə yönəldib. Ən kritik məqam isə eniş bucağı idi — təyyarə suya əvvəlcə quyruq hissəsi ilə toxunmalı idi.

Təyyarə Aleksandr Nevski körpüsünün üzərindən son dərəcə aşağı hündürlükdə keçib. Pilotun dəqiq manevri nəticəsində Tu-124 suya uğurla endirilib. Təyyarə körpüdən cəmi 50 metr aralıda dayanıb. Hadisə nəticəsində göyərtədə olan 52 nəfərdən heç biri xəsarət almayıb. Bu hadisə iri sərnişin təyyarəsinin suya ilk uğurlu enişi kimi aviasiya tarixinə düşüb.