İMPERATOR AİLƏSİ ÜÇÜN DÜZƏLDİLƏN 19 MİNLİK KULONU UDDU

İMPERATOR AİLƏSİ ÜÇÜN DÜZƏLDİLƏN 19 MİNLİK KULONU UDDU MƏDƏ-BAĞIRSAĞINDAN ÇIXANA QƏDƏR NƏZARƏTDƏ SAXLANILDI

Yeni Zelandiyada qeyri-adi hadisə yaşanıb. Belə ki, Oklend şəhərində 32 yaşlı kişi zərgərlik mağazasından oğurladığı 19 min dollar dəyərində Faberje kulonunu udduqdan sonra saxlanılıb. Polis bir neçə gün ərzində şübhəlinin vəziyyətinə nəzarət edib və kulonun mədə-bağırsaq traktından tamamilə təbii yolla xaric olmasını gözləyib. Qeyd edək ki, 18 karatlıq sarı qızıldan hazırlananan eksklüziv kulon 60 ağ brilyant və 15 mavi sapfir ilə bəzədilib. Bu kulonu məşhur rus zərgəri Peter Karl Fabergé imperator ailəsi üçün düzəldib.