KAMRAN ƏSƏDOV ABİTURİYENTLƏRƏ NECƏ “KÖMƏK” EDİB?
KAMRAN ƏSƏDOV ABİTURİYENTLƏRƏ NECƏ “KÖMƏK” EDİB? QƏBUL İMTAHANINDA EDİLƏN SAXTAKARLIĞIN DETALLARI AÇIQLANDI
Dövlət İmtahan Mərkəzinin qəbul və buraxılış imtahanlarında qeydə alınan qanun pozuntuları barədə növbəti açıqlamasında tanınmış təhsil eksperti Kamran Əsədovun yol verdiyi cinayət işindən bəhs edilib. Bildirilib ki, Kamran Əsədov və Gündüz Abbasov abituriyentlərə qadağan olunan cihazlardan istifadə etməyi öyrədib və onlara göstərdikləri kməyin müqabilində pul alıblar. Belə ki, imtahana gələn abituriyentlər bu cihazların yerləşdirilməsi üçün altı qalın idman ayaqqabıları geyinib və alt hissəsini kəsərək içərisinə gizli cihaz yerləşdiriblər. Beləliklə kənardan baxılanda ayaqqabının altlığında kənar əşyaların olmasını girişdə müəyyən etmək mümkün olmayıb.Sonradan sanitar qovşağa gedib qulaqlığı qulaqlarına taxıblar,kameranı köynək düyməsinə yerləşdiriblər,ötürücü cihazı çiyinlərinə yapışdırıblar. İnternet cihazını isə ayaqqabı daban hissəsinə qoyublar. Daha sonra sinifə qayıdıb, imtahan zamanı kameranı kitabçaya tutaraq görüntünü qarşı tərəfə ötürüblər. Qarşı tərəf isə öz telefonunda bunu xüsusi proqramla bunu canlı izləyib. Cavablar isə üzərində “vip smart” sözləri yazılan nazik plastik karta oxşayan və üzərində hər hansı düymə və s. olmayan telefona zəng etməklə bildirilib. Belə ki, kartın üzərində olan nömrəyə zəng gəldikdə avtomatik telefon açılır və zəng edən şəxsin səsi eşidilir. Qeyd edək k, toplanan sübutlara əsasən, Gündüz Abbasov həbs edilib, Kamran Əsədov isə başqa yerə getməmək şərti ilə azadlıqda saxlanılıb.
