QAZ İXRACI 25 MİLYARD KUBMETRİ KEÇİB

QAZ İXRACI 25 MİLYARD KUBMETRİ KEÇİB “OPEC”DƏN YENİ QİYMƏTLƏNDİRMƏ

OPEK 2025-ci ildə Azərbaycanın sübut olunmuş təbii qaz ehtiyatlarını 2,6 trilyon kubmetr səviyyəsində qiymətləndirir və bu göstərici 2021-ci ildən bəri dəyişməz qalır.Bu barədə Trend təşkilatın son rəqəmlərinə istinadən məlumat verir. Bildirilir ki, ölkədə əmtəəlik təbii qaz hasilatı davamlı artım nümayiş etdirir və 2025-ci ildə təxminən 38,7 milyard kubmetr təşkil edib ki, bu da 2024-cü ildəki 38,66 milyard kubmetrlə müqayisədə demək olar ki, dəyişməyib. Müqayisə üçün, 2021-ci ildə hasilat 32,6 milyard kubmetr, 2022-ci ildə 35,24 milyard kubmetr, 2023-cü ildə isə 36,4 milyard kubmetr səviyyəsində olub.2025-ci ildə təbii qaz ixracı təxminən 25,2 milyard kubmetr təşkil edib, bu isə əvvəlki ildəki 25,3 milyard kubmetrlə müqayisədə cüzi azalma deməkdir, lakin əvvəlki illərin göstəricilərindən əhəmiyyətli dərəcədə yüksək olaraq qalır. Eyni zamanda, 2025-ci ildə Azərbaycanda təbii qaza daxili tələbat 13,2 milyard kubmetr təşkil edib.