ŞİRKƏTLƏR RİSKLƏRİ DAHA ASAN İDARƏ EDƏCƏK

ŞİRKƏTLƏR RİSKLƏRİ DAHA ASAN İDARƏ EDƏCƏK BİZNESİN İDARƏEDİLMƏSİNDƏ YENİ DÖVLƏT STANDARTI QƏBUL EDİLİB

Azərbaycan Standartlaşdırma İnstitutu “Təhlükəsizlik və davamlılıq. İş fəaliyyətinin davamlılığını idarəetmə sistemləri. İş fəaliyyətinə -biznesə təsirin təhlili üzrə təlimatlar” adlı yeni dövlət standartı qəbul edib. “Report” bu barədə AZSTAND-a istinadən xəbər verir .Bildirilib ki, yeni standart bizneslərin fəaliyyətinə təsirləri daha düzgün analiz etməyə kömək edəcək. Yeni standartın tətbiqi müəssisə və təşkilatlarda biznes fəaliyyətinə təsirin sistemli və hərtərəfli təhlilini təmin etməklə, kritik iş proseslərinin asanlıqla müəyyənləşdirilməsinə, potensial risklərin dəqiq qiymətləndirilməsinə və iş davamlılığının daha səmərəli və effektiv idarə olunmasına mühüm töhfə verəcək. Standart AZSTAND-ın texniki komitəsində qəbul olunub və Standartlaşdırma üzrə normativ sənədlərin Dövlət Fonduna daxil edilib.