“Gömrük-Biznes Forumu 2023” keçirilib

“Gömrük-Biznes Forumu 2024” keçirilib

Bu gün “Gülüstan” sarayında Dövlət Gömrük Komitəsinin, Azərbaycan Respublikası Sahibkarlar Təşkilatı Milli Konfederasiyasının təşkilatçılığı və “bp” şirkətinin dəstəyi ilə “Gömrük-Biznes Forumu 2024” keçirilib.

Forumun məqsədi gömrük-biznes əməkdaşlığının gücləndirilməsi, həyata keçirilmiş və gələcək layihələrin özəl sektor və digər maraqlı tərəflərlə birgə müzakirəsinə imkan yaradacaq işgüzar platformanın formalaşdırılmasıdır.

Forumda dövlət və özəl sektor nümayəndələri, ictimaiyyət, gömrük işinin təşkili sahəsində ixtisaslaşmış elm adamları, ekspertlər və media nümayəndələri iştirak ediblər.

Tədbirin açılışında Azərbaycan Respublikası Prezidentinin köməkçisi, Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov, Dövlət Gömrük Komitəsinin sədri, gömrük xidməti general-leytenantı Şahin Bağırov, Milli Məclisin İqtisadi siyasət, sənaye və sahibkarlıq Komitəsinin sədri Azər Əmiraslanov, Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov və Sahibkarlar Təşkilatı Milli Konfederasiyasının prezidenti Məmməd Musayev çıxış ediblər.

Daha sonra Dövlət Gömrük Komitəsinin mütəxəssisləri tərəfindən 2025-ci ildən etibarən tətbiqinə başlanacaq bir sıra layihələrin təqdimatı keçirilib. Onlar arasında “Rəqəmsal Gömrük Dəyəri”, “İkipilləli Buraxılış Sistemi” və “İlkin Məlumatlandırma Sistemi” xüsusi diqqət çəkib. Bu layihələr beynəlxalq təcrübəyə və süni intellekt texnologiyalarına əsaslanaraq gömrük dəyərinin daha dəqiq və dürüst müəyyənləşdirilməsini, saxlanma xərclərinin azaldılmasını, proseslərin çevikliyini və sərhədkeçmə prosedurlarının sürətlənməsini təmin edəcək.

Forum çərçivəsində Səlahiyyətli İqtisadi Operator layihəsi çərçivəsində “Bakı Beynəlxalq Dəniz Ticarət Limanı” QSC və “FoodCity Aqrokompleks”ə SİO sertifikatları təqdim olunub.

Tədbir panel müzakirələrlə davam edib və sahibkarları maraqlandıran suallar cavablandırılıb.

Mənbə: APA-Economics