GÖMRÜKDƏ TIXAC AZƏRBAYCAN YÜK MAŞINLARI 20 GÜNDÜR BURAXILMIR?

Batumidə və Tbilisi gömrük-keçid məntəqələrində 20 gündən artıqdır ki, Azərbaycan yük maşınları saxlanılır.Məlumata görə problem yalnız tütün yükləri olan maşınlarda yaranıb, digərləri isə sərbəst buraxılır. Maşınların buraxılmaması üçün heç bir məhkəmə qərarının olmadığı bildirilir və onlar yalnız gömrük işçilərinin müşahidəsi altında saxlanılırlar. Azərbaycanın Batumidəki Baş konsulluğundan bildirilib ki, vəziyyətdən məlumatlıdırlar və məsələnin həlli istiqamətində iş aparırlar. Gürcüstan Dövlət Müəssisəsinin Gəlirlər Xidmətinin İctimaiyyətlə Əlaqələr və Marketinq Departamentindən bildirilib ki, gömrük xidməti tam həcmdə və fasiləsiz fəaliyyət göstərir və bütün maşınlara standart prosedurlar tətbiq olunur.