İLDƏ BİR DƏFƏ RÜSUMSUZ GƏTİRMƏK MÜMKÜN OLACAQ
MOBİL TELEFONLARIN GÖMRÜKDƏN KEÇİRİLMƏSİ İLƏ BAĞLI QƏRAR
İldə bir dəfə 1 ədəd mobil telefonu gömrük rüsumu ödəmədən ölkəyə gətirmək mümkün olacaq. İqtisadiyyat.az xəbər verir ki, bu, Nazirlər Kabinetinin “Fiziki şəxslər tərəfindən istehsal, yaxud kommersiya məqsədləri üçün nəzərdə tutulmayan malların gömrük sərhədindən keçirilməsinin güzəştli və sadələşdirilmiş Qaydaları”nda edilən dəyişikliklərdə əksini tapıb.Əgər telefonun qiyməti şəxsi gətiriləndə 800 dollardan,poçt və ya kargo ilə gətiriləndə isə 300 dollardan çox olarsa,o zaman yalnız bu məbləğdən artıq hissəyə görə gömrük ödənişi tutulacaq. Yəni bütün qiymətə yox, artıq olan hissəyə rüsum hesablanacaq. Bu qayda kommersiya məqsədi olmayan, şəxsi istifadə üçün telefonlara aiddir.Qərar 2026-cı il yanvarın 1-dən qüvvəyə minir.
