İQTİSADİ ARTIM AZALACAQ, İNFLYASİYA ARTACAQ

İQTİSADİ ARTIM AZALACAQ, İNFLYASİYA ARTACAQ
YAXIN ŞƏRQDƏ BAŞ VERƏNLƏRLƏ BAĞLI PROQNOZ AÇIQLANDI

Yaxın Şərqdə münaqişənin uzanması 2026–2027-ci illərdə inkişaf etməkdə olan Asiya və Sakit okean regionunda iqtisadi artımı 1,3 faiz azalda, inflyasiyanı isə 3,2 faiz artıra bilər. Asiya İnkişaf Bankının yaydığı yeni araşdırmada o da bildirilir ki, münaqişə region iqtisadiyyatlarına əsasən enerji qiymətlərinin artması, təchizat zəncirində və ticarətdə pozuntular, həmçinin maliyyə şərtlərinin sərtləşməsi vasitəsilə təsir göstərir. Eyni zamanda, turizm və pul köçürmələri də risk altındadır. Qısa müddətli ssenaridə enerji qiymətlərinə təzyiq tez azalacaq, lakin uzunmüddətli pozuntular artımın daha çox zəifləməsinə və inflyasiyanın daha yüksək səviyyədə qalmasına səbəb olacaq. Bildirilir ki, iqtisadi artıma mənfi təsirlər ən çox inkişaf etməkdə olan Cənub-Şərqi Asiya və Sakit okean ölkələrində hiss olunacaq, inflyasiya isə əsasən Cənubi Asiyada daha sürətli artacaq.