Lənkəran – Gənclər Paytaxtında “EcoGrow” Layihəsi Keçirildi

Layihə Azərbaycan Respublikasının Gənclər Fondu maliyyə dəstəyi, EcoHub Ekoloji Təəəbbüslərə dəstək İctimai Birliyi, Gənclərin İnkişaf və Karyera Mərkəzi Lənkəran-Astara regional nümayəndəliyi, Lənkəran skautları (“Xan skaut” səyyah dəstəsi), Lənkəran Dövlət Universiteti Tələbə Gənclər Təşkilatı (LDU TGT) və Pause Coffee & Tea-nin təşkilati dəstəyi ilə həyata keçirilmişdir.

Azərbaycanın Gənclər Paytaxtı Lənkəranda ekoloji maarifləndirmə məqsədi daşıyan iki günlük “EcoGrow” layihəsi uğurla həyata keçirildi. Layihənin əsas məqsədi gənclərin ekoloji biliklərini artırmaq, onları ətraf mühitin qorunması istiqamətində təşəbbüslərə cəlb etmək və yaradıcılıqlarını inkişaf etdirmək idi.

Birinci sessiyada iştirakçılar iqlim dəyişikliyi, ekoloji dayanıqlıq və ətraf mühitin qorunması ilə bağlı məlumatlandırıcı təlimlərdə iştirak ediblər. Bu sessiya gənclərin ekoloji biliklərini dərinləşdirmək məqsədini daşıyırdı.

İkinci sessiyada isə iştirakçılar yaradıcılıqlarını nümayiş etdirərək, öz təxəyyülləri ilə eko-çantalar dizayn ediblər. Sessiyanın sonunda hər bir iştirakçıya öz dizayn etdiyi eko-çanta hədiyyə edilib. Layihənin hər iki hissəsində 55-dən çox gənc iştirak edib.

Layihənin yekununda iştirakçılara sertifikatlar və hədiyyələr təqdim olunub. Tədbir xatirə fotosu ilə başa çatıb.