MÜDAFİƏ NAZİRLİYİ İRANA QARŞI TƏDBİRLƏR HAZIRLAYIR
MÜDAFİƏ NAZİRLİYİ İRANA QARŞI TƏDBİRLƏR HAZIRLAYIR
“BU HÜCUM AKTLARI CAVABSIZ QALMAYACAQ”
Martın 5-də İran İslam Respublikasının silahlı qüvvələri tərəfindən İran ərazisindən pilotsuz uçuş aparatları ilə Azərbaycanın Naxçıvan Muxtar Respublikasının Naxçıvan beynəlxalq hava limanına və digər mülki infrastrukura hücum aktları həyata keçirilib. Pilotsuz uçuş aparatlarının texniki parametrləri və bu hücumların təfərrüatları araşdırılır. Bu barədə Müdafiə Nazirliyindən məlumat verilib. Qeyd edilib ki, Müdafiə Nazirliyi hər hansı hərbi zərurət olmadığı halda, İran silahlı qüvvələri tərəfindən ölkəmizin ərazisində mülki infrastruktura qarşı törədilən hücumları qəti şəkildə pisləyir.
Baş vermiş hadisəyə görə məsuliyyət tam şəkildə İran İslam Respublikasının üzərinə düşür.
Müdafiə nazirliyi ölkəmizin ərazi bütövlüyünün və suverenliyinin müdafiəsi, mülki şəxslərin və mülki infrastrukturun təhlükəsizliyinin təmin olunması üçün zəruri cavab tədbirlərini hazırlayır və bu hücum aktları cavabsız qalmayacaq. Deyə qurumun yaydığı məlumatda qeyd edilir.
