“ONLAR İNSAN ƏTİ YEYİRLƏR”
DÜNYA GÜNDƏMİNİ ZƏBT EDƏN “EPŞTEYN İŞİ”İLƏ BAĞLI ŞOK İDDİA
Bir müddətdir ki, dünya gündəmini zəbt edən “Epşteyn işi” ilə bağlı, demək olar ki, hər gün yeni faktlar və görüntülər üzə çıxır. “Qafqazinfo” xəbər verir ki, bu materiallar keçmişdə baş verən bir çox hadisələri yenidən gündəmə gətirib.Onlardan biri də 21 yaşlı meksikalı model Qabriela Riko Himenezlə bağlı hadisədir. Belə ki, 2009-cu ildə Meksikanın Monterrey şəhərində Qabriela adlı gənc qız cırılmış geyimdə “Fiesta Inn” adlı dəbdəbəli bir hotelin qarşısına çıxaraq emosional şəkildə qışqırmağa başlayıb. O, Meksikanın ən varlı insanları da daxil olmaqla, “Epşteyn sənədləri”ndə adı çəkilən bir çox nüfuzlu şəxslərə qarşı ittihamlar irəli sürüb. Qabriela onların yeraltı bazada yaşadığını, uşaqları qaçırdığını və insan əti yediklərini iddia edirdi. Məlumata görə kameralara düşən həmin çıxışından sonra polis əməkdaşları gənc qızı həbs edib və o, bir daha ictimaiyyət arasında görünməyib. Xatırladaq ki, Cefri Epşteyn ABŞ Ədliyyə Departamentinin cinsi istismar, pedofiliya və fahişəlik şəbəkəsi yaratmaq ittihamları ilə həbs olunub və 2019-cu ildə həbsxanada ölü tapılıb.Qeyd edək ki, ABŞ Prezidenti Donald Trampın sənədlərdə adı keçsə də, bu işlə heç bir əlaqəsi olmadığını deyib. Tramp bildirib ki, onun adı yalnız Epşteyn və jurnalist Maykl Uolf arasında qurulan sui-qəsd iddiası kontekstində yer alıb və ölkə bu mövzunu artıq gündəmdə saxlamamalıdır.
