PAŞA Kapital-dan SOCAR-ın Yeni “Yaşıl” İstiqrazlarına Sərmayə Fürsəti

Dövlət Neft Şirkəti (SOCAR) ölkəmizin “yaşıl” enerji sektorunun inkişafını dəstəkləmək məqsədilə 200 milyon ABŞ dolları dəyərində yeni “yaşıl” istiqrazlar təqdim edir. Bu istiqrazların ilkin yerləşdirilməsi PAŞA Kapital İnvestisiya Şirkəti tərəfindən həyata keçirilir.

“Yaşıl Gəlir, Yaşıl Gələcək” şüarı ilə təqdim olunan bu istiqrazlar həm stabil maliyyə gəlirləri, həm də ətraf mühitə töhfə vermək istəyən investorlar üçün ideal seçimdir. Onlar bərpa olunan enerji mənbələrinin inkişafına və əhəmiyyətli “yaşıl” layihələrin reallaşdırılmasına dəstək olacaq.

İstiqrazların əsas xüsusiyyətləri:

• Nominal dəyər: 1 000 ABŞ dolları
• Gəlirlilik faizi: İllik 6%
• Kupon ödənişi: Rüblük
• Tədavül müddəti: 5 il
• Növ: Sənədsiz, adlı, faizli, təmin edilməmiş

SOCAR-ın yaşıl istiqrazlarının ilkin yerləşdirilməsi Bakı Fond Birjası QSC-nin ticarət platformasında abunə yazılışı üsulu ilə həyata keçiriləcək.

İstiqrazlara abunə yazılışı 28 fevral 2025-ci il tarixinədək davam edir. Sərmayə qoymaq istəyənlər PAŞA Kapital-ın onlayn müraciət platformasına daxil olaraq qeydiyyatdan keçə bilərlər.

Daha ətraflı məlumat üçün 1548 nömrəsinə zəng edin və ya www.pashacapital.az saytını ziyarət edin.