Qızıl bahalaşamaqda davam edir.

Qlobal bazarlarda 1 unsiya qızılın qiyməti rekord həddə çatıb.Qızılın unsiyası 2 min 570 dolları görüb. Bu il qızıl 22%-dən çox, son 12 ayda isə 33% dəyər qazanıb.

Qiymətli metalın qiyməti ilk dəfə olaraq 2500 dolları ötüb. Hər biri təxminən 400 unsiya ağırlığında olan külçə qızılın dəyəri də 1 milyon dolları keçib.

İnvestorlar ABŞ Mərkəzi Bankının (FED) sədri Jerome Powell-in bu həftəki Jackson Hole simpoziumunda çıxışını gözləyirlər. Onlar FED sədrinin çıxışında faiz dərəcəsinin azaldılması barədə ipucu axtaracaqlar. FED-in faizlərini aşağı salmağa başlamasının qızılı daha da bahalaşdıracağı gözlənilir.

Dollar və istiqrazların gəlirliliyi çox sərfəli olmadığı üçün investorlar qızıla üz tuturlar.

İnvestorlar bu həftə açıqlanacaq digər ABŞ məlumatlarını, xüsusən də FED-in faiz dərəcəsini azaltması prosesində həlledici ola biləcək işsizlik müavinəti müraciətlərini yaxından izləyəcəklər.

Qızılın bahalaşmasına mərkəzi bankların güclü alışları, eləcə də Yaxın Şərq və Ukraynada davam edən münaqişələr dəstək verib.

FED-in gələcək faiz endirimləri və dolların zəifləməsi səbəbindən qızılın qiymətinin 2025-ci ilin birinci yarısınadək bahalaşamaqda davam edəcəyini gözlənilir.