2027-Cİ İLİN DÖVLƏT BÜDCƏSİNDƏ ƏSAS XƏRCLƏR HANSILAR OLACAQ?
2027-Cİ İLİN DÖVLƏT BÜDCƏSİNDƏ ƏSAS XƏRCLƏR HANSILAR OLACAQ? AZAD OLUNAN ƏRAZİLƏRİN BƏRPASINA 13,3 MİLYARD MANAT AYRILACAQ
2027–2030-cu illərdə azad olunmuş ərazilərin bərpası və yenidən qurulmasına 13,3 milyard manat xərclənməsi planlaşdırılır. Bu barədə AZƏRTAC Maliyyə Nazirliyinin ortamüddətli büdcə çərçivəsinə istinadən məlumat yayıb.
Bildirilib ki, 2027-ci ilin dövlət büdcəsində əsaslı xərclər çərçivəsində bir sıra vacib dövlət proqramlarının maliyyələşdirilməsi nəzərdə tutulur. Bunlara ölkənin sosial-iqtisadi inkişaf strategiyası, su ehtiyatlarından səmərəli istifadə planı, Naxçıvanın inkişaf proqramı və Bakıda nəqliyyat infrastrukturunun yaxşılaşdırılması kimi layihələr daxildir.Eyni zamanda, yaxın illərdə büdcə xərclərinin böyük hissəsi “Böyük Qayıdış Proqramı”nın icrasına, həmçinin ölkənin müdafiə və təhlükəsizlik imkanlarının gücləndirilməsinə yönəldiləcək.
