Dövlətin 146 milyon manatı depozitdə: Maliyyə Nazirliyindən təfərrüat

Maliyyə Nazirliyi avqust ayında dövlət xəzinə hesabındakı 146 milyon manatı kommersiya banklarında müddətli depozitə yerləşdirib.Marja.az xəbər verir ki, bunun üçün ay ərzində 6 depozit hərracı keçirilib. Vəsaitlər banklara 28 və 84 gün müddətinə, orta hesabla 6,52–6,54% faizlə yerləşdirilib.Nazirlik bildirir ki, bu yolla dövlət vəsaitlərindən əlavə gəlir əldə edilir. Eyni zamanda, vəsaitlərin banklarda yerləşdirilməsi bank sektorunda likvidliyin artmasına kömək edir.