ƏN ÇOX ƏRZAQ VƏ İÇKİ BU BÖLGƏLƏRİMİZDƏ SATILIB AZƏRBAYCANDA ƏRZAQ SATIŞI 37 MİLYARD MANATA YAXINLAŞDI
2025-ci ildə Azərbaycanda ərzaq məhsulları, içkilər və tütün məmulatlarının pərakəndə ticarət dövriyyəsi 36 milyard 911,5 milyon manat olub. Bu, 2024-cü illə müqayisədə 2 milyard 776,9 milyon manat və ya 8,1 faiz çoxdur.
Dövlət Statistika Komitəsinin məlumatına görə, ən yüksək dövriyyə Bakı şəhərində qeydə alınıb. Paytaxtda ərzaq, içki və tütün məhsullarının pərakəndə ticarət dövriyyəsi 22 milyard 865,3 milyon manat təşkil edib.
Bakıdan sonra ən yüksək göstərici Mərkəzi Aran iqtisadi rayonunda , Gəncə-Daşkəsən ,Lənkəran-Astara , Abşeron-Xızı və Qazax-Tovuz iqtisadi rayonlarında qeydə alınıb.Qarabağ iqtisadi rayonunda ərzaq məhsulları, içkilər və tütün məmulatlarının pərakəndə ticarət dövriyyəsi 917,7 milyon manat təşkil edib.İşğaldan azad olunan əraziləri əhatə edən Şərqi Zəngəzur iqtisadi rayonunda isə ötən il bu sahə üzrə pərakəndə ticarət dövriyyəsi 179 milyon manat olub. Bu məbləğin böyük hissəsi – 152,7 milyon manatı Qubadlının payına düşüb.
