“FAYDA” İŞ ADAMLARI PLATFORMASI VƏ BİZNES TV-DƏN YENİ TƏŞƏBBÜS

SAHİBKARLARLA VACİB GÖRÜŞ “FAYDA” İŞ ADAMLARI PLATFORMASI VƏ BİZNES TV-DƏN YENİ TƏŞƏBBÜS

“Fayda” İş Adamları Platforması və Biznes TV-nin birgə təşkilatçılığı, Dövlət Vergi Xidmətinin iştirakı və dəstəyi ilə inşaat, tekstil, xidmət, istehsal və logistika sahələrində fəaliyyət göstərən sahibkarlarla görüş keçirilib. Məqsəd sahibkarlarla vergi orqanı arasında ünsiyyətin gücləndirilməsi, biznes nümayəndələrini maraqlandıran vergi məsələlərinin müzakirəsi və qarşılıqlı fikir mübadiləsi aparmaqdır. Tədbiri giriş sözü ilə açan Biznes TV-nin İdarə Heyətinin sədri Hikmət Məmmədov belə görüşlərin dövlət qurumları ilə biznes nümayəndələri arasında etimadın və əməkdaşlığın möhkəmləndirilməsinə xidmət etdiyini vurğulayıb. Görüşdə iştirak edən Dövlət Vergi Xidmətinin nümayəndələri Fariz Salahov və Anar Cabbarov vergi bəyannamələrinin tərtibi, kameral vergi yoxlamaları, sahibkarlıq subyektləri ilə iş istiqamətləri və qabaqcıl beynəlxalq təcrübələr barədə sahibkarlara məlumat veriblər. Tədbir iştirakçıları fəaliyyət göstərdikləri sektora aid sualları ünvanlayıb, praktiki məsələlərin həlli ilə bağlı ətraflı izahlar alıblar. Onu da qeyd edək ki, “Fayda” İş Adamları Platforması və Biznes TV sahibkarlarla belə görüşləri mütəmadi təşkil etməyi planlaşdırır.