“GREEN CARD” QAYDALARI DƏYİŞDİRİLDİ
“GREEN CARD” QAYDALARI DƏYİŞDİRİLDİ ABŞ-NİN İMMİQRASİYA XİDMƏTİ AÇIQLAMA YAYDI
ABŞ-nin İmmiqrasiya Xidməti əcnəbilər üçün viza və “qrin kart” verilişi qaydalarını dəyişib. Artıq ABŞ ərazisində ola-ola “qrin kart” üçün müraciət etmək mümkün olmayacaq, belə ki, bunun üçün ərizəçi öz vətəndaşı olduğu ölkəyə qayıdaraq oradan ABŞ-nin diplomatik missiyasına müraciət etməli olacaq.FED.az xəbər verir ki, əcnəbilər öz ölkələrindən müraciət etdikdə, yaşayış icazəsi üçün ərizələrinə rədd cavabı gəldikdən sonra ABŞ-də qanunsuz qalmağa çalışan şəxslərin axtarılması və deportasiya edilməsinə ehtiyac azalır.Qurumdan bildirilib ki, qeyri-immiqrasiya vizalarının sahibləri — məsələn, tələbələr, müvəqqəti işçilər və ya turistlər – ABŞ-yə qısa müddət və müəyyən məqsədlə gəlirlər. Onlar səfərləri başa çatdıqdan sonra ölkəni tərk etməlidirlər. Lakin bir çox hallarda onlar ABŞ-yə gəldikdən sonra immiqrasiya prosesinə başlayırlar. Yeni qaydanın tətbiqi bunun qarşısını almağa yönəlib.
