MƏRKƏZİ BANKDAN SAHİBKARLARA XOŞ XƏBƏR
MƏRKƏZİ BANKDAN SAHİBKARLARA XOŞ XƏBƏR QR ÖDƏNİŞLƏRƏ KEÇİD BANK XƏRCLƏRİNİ AZALDACAQ
May ayının sonundan etibarən Azərbaycanda əksər sahibkarlar ödənişləri QR kod vasitəsilə qəbul edə biləcəklər.Bu barədə Azərbaycan Mərkəzi Bankının sədri Taleh Kazımov məlumat verib. Onun sözlərinə görə, yeni sistem sahibkarların bank xərclərini azaltmağa kömək edəcək.Bildirilib ki, QR ödənişləri kartla deyil, Ani Ödənişlər Sistemi vasitəsilə həyata keçiriləcək. Bu zaman pul alıcının hesabından dərhal çıxaraq sahibkarın hesabına köçürüləcək. Bu üsulun xidmət haqları da daha aşağı olacaq.Mərkəzi Bank hesab edir ki, bu sistemdən geniş istifadə olunarsa, sahibkarların Visa və Mastercard kart sistemlərindən asılılığı azalacaq.Taleh Kazımov əlavə edib ki, hazırda həmin şirkətlərlə tariflərin aşağı salınması üçün danışıqlar aparılır və yaxın həftələrdə onların təklifləri təqdim olunacaq.
