Nyu-Yorkun mərkəzində qanlı insident

Nyu-Yorkun “Times Square” meydanı yaxınlığında bıçaqlı hücum baş verib. Hadisə nəticəsində “Bank of America”nın vitse-prezidenti Erin Pyaçenti aldığı xəsarətlərdən xəstəxanada ölüb. Nyu-York Polis Departamentinin məlumatına görə, əlində bıçaq olan qadın əvvəlcə 68 yaşlı turistə, daha sonra isə Pyaçentiyə bıçaqla hücum edib. Turist yaralanıb və vəziyyətinin stabil olduğu bildirilir. Polis əməkdaşları qadını saxlamağa çalışıblar. Onlar elektroşokerdən istifadə edib, daha sonra isə atəş açıblar. Qadın xəstəxanada ölüb.Polis hücumun terror aktı olduğuna dair hər hansı əsasın olmadığını açıqlayıb.