“QUMAR KRALI”NIN ADAMININ ŞİRKƏTİ BAĞLANDI
“QUMAR KRALI”NIN ADAMININ ŞİRKƏTİ BAĞLANDI BÜTÜN ÖDƏNİŞ XİDMƏTLƏRİ DAYANDIRILDI
Azərbaycan Mərkəzi Bankı elektron pul təşkilatı – “Paysis” MMC-nin fəaliyyətini müvəqqəti dayandırıb. Fed.az xəbər verir ki, buna səbəb şirkət və onun rəhbərinə qarşı başlanan cinayət işidir. Baş Prokuror yanında Korrupsiyaya qarşı Mübarizə Baş İdarəsi “Paysis”in internet üzərindən qanunsuz qumar oyunları təşkil etməsi və digər qanunsuz fəaliyyətlərlə məşğul olduğu iddiası ilə araşdırma aparır. Cinayət işi artıq Bakı Ağır Cinayətlər Məhkəməsinə göndərilib. Məhkəmə qərarı çıxana qədər Mərkəzi Bank qanunvericiliyə əsaslanaraq şirkətə bütün ödəniş xidmətlərini dayandırmağı tapşırıb. Yalnız istifadəçilərin pullarının geri qaytarılması əməliyyatlarına icazə verilir. “Qafqazinfo”nun məlumatına görə “Paysis”in direktoru “qumar kralı” kimi tanınan Yusif Baqiyevin adamı Samir Nasibovdur.O, hazırda həbsdədir. O, Şəkili Yusiflə birgə cinayət yolu ilə əldə edilmiş əmlakı leqallaşdırma, qumarxana təşkil etmə cinayətlərində ittiham olunur.
