TANINMIŞ İŞ ADAMININ ŞİRKƏTİ BARƏDƏ YENİ MƏLUMAT
TANINMIŞ İŞ ADAMININ ŞİRKƏTİ BARƏDƏ YENİ MƏLUMAT DÖVLƏT BÜDCƏSİNƏ 773 MİN MANATDAN ÇOX VERGİ BORCU VAR
Uzun illər Hacı İbrahim kimi tanınan iş adamı İbrahimov İbrahim Hüseyn oğlunun rəhbərlik etdiyi “Avesta Konserni” MMC-nin dövlət büdcəsinə 773 min MANATDAN çox vergi borcu var.
“Yeni Avaz” xəbər verir ki, “Avesta Konserni” 1996-cı ildən fəaliyyət göstəRir və şirkətinin hazırda qanuni təmsilçisi Nadirov Araz Ələsgər oğludur.Qeyd edək ki, Hacı İbrahim bir neçə il əvvəl “Xəzər Adaları” adlı layihəsi ilə gündəmə gəlib.Bildirilirdi ki, “Xəzər Adaları” Xəzər dənizində, Bakıdan 25 km cənubda yerləşən, 41 adadan ibarət, 3000 hektar sahəni əhatə edən süni arxipelaq şəhər olmalıdır.
Tikintisinə 2011-ci ildən başlanılsa da, sonradan yarımçıq saxlanılıb. Hacı İbrahim Beynəlxalq Banka olan borcunu ödəyə bilmədiyi üçün “Xəzər Adaları”nı bu borcun qarşılığında təhvil verdiyini açıqlayıb.
Hacı İbrahim Diasporla İş üzrə Dövlət Komitəsinin sabiq sədri Nazim İbrahimovun və ATV kanalının sabiq prezidenti Tağı İbrahimovun qardaşıdır. Hacı İbrahimin iki qardaşı hazırda həbsdədir. Tağı İbrahimov “Bakı Ağac Emalı” ASC-də 10 nəfərin ölümü ilə nəticələnən yanğın hadisəsinə görə həbs edilib. O biri qardaşı -STS və “Sahil-D Kompani” şirkətlərinin sahibi olan Sahib İbrahimov isə 2018-ci ildə həbs olunub.
