Turizm şirkətlərinin satdığı bu biletlər saxta çıxa bilər

Son günlər “Azərbaycan Dəmir Yolları” QSC-yə Bakı–Tbilisi–Bakı marşrutu üzrə saxta biletlərin satılması ilə bağlı müraciətlər daxil olur.ADY bildirir ki, bəzi turizm şirkətləri və sosial şəbəkə səhifələri mövcud olmayan yerlərə sərnişinlərə saxta biletlər satır. Bununla bağlı hüquq-mühafizə orqanlarına müraciət edilib və araşdırma aparılır.Qurum bir daha vurğulayıb ki, bu marşrut üzrə heç bir turizm şirkəti və vasitəçi ilə əməkdaşlıq etmir və onlara bilet kvotası ayırmır.Sərnişinlərə biletləri yalnız ADY-nin rəsmi saytı, “ADY Mobile” tətbiqi və dəmiryol kassalarından almaq tövsiyə olunur.