ZƏNGƏZUR DƏHLİZİ REGİONUN TALEYİNİ DƏYİŞİR

ZƏNGƏZUR DƏHLİZİ REGİONUN TALEYİNİ DƏYİŞİR AZƏRBAYCANA İLLİK 3 MİLYARD DOLLAR TRANZİT GƏLİRİ GÖZLƏNİLİR

15 milyon ton ötürmə potensialı olacaq Zəngəzur dəhlizi regionun inkişafına xüsusi töhvə verəcək. Bunu millət vəkili Vüqar Bayramob bildirib. Onun sözlərinə görə yaxın gələcəkdə Orta Dəhlizin mühüm seqmentinə çevriləcək dəhliz Azərbaycanın geosiyasi mövqeyinin daha da möhkəmlənməsinə xidmət etməklə yanaşı, region dövlətlərinin gəlirlərinin artmasına da imkan yaradacaq. Qitələr arasındakı ticarət dövriyyəsinin 200 milyard dollar artacağı gözlənilir. Yüklərin 10-15 faizinin Zəngəzur dəhlizi vasitəsilə daşınacağı təqdirdə Azərbaycan yaxın gələcəkdə ildə 3 milyard dollar tranzit gəliri əldə edəcək.O həmçinin bildirib ki, Zəngəzur dəhlizinin bir elementi olacaq TRİPP-in inşaatı Azərbaycanın əsas hissəsi ilə Naxçıvan arasında quru nəqliyyatının bərpasına imkan verəcək.Xatırladaq ki, Prezident İlham Əliyev “Zayed İnsan Qardaşlığı Mükafatı”nın təqdimolunma mərasimində çıxışı zamanı Azərbaycan ərazisindən Ermənistana yük daşımalarına qoyulan məhdudiyyətlərin aradan qaldırması ilə yanaşı, neft məhsullarının ixracının həyata keçirildiyini və hazırda ticarət əlaqələrinin genişləndirildiyini bildirib.