VARLILARDAN VERGİ ALINACAQDI, RƏDD EDİLDİ İSVEÇRƏDƏ KEÇİRİLƏN REFERENDUMUN NƏTİCƏSİ MƏLUM OLDU

İsveçrədə keçirilən referendumda, 50 milyon İsveçrə frankı və üzərindəki miraslara 50 faiz vergi tətbiq olunmasını nəzərdə tutan təklifi seçicilərin 80 faizdən çoxu rədd edib. Varlı vətəndaşlardan vergi alınması təklifini iqlim dəyişikliyi ilə mübarizə çərçivəsində irəli sürən qrup bu verginin binaların yenilənməsi, bərpa olunan enerjinin inkişafı və ictimai nəqliyyatın genişləndirilməsi kimi fəaliyyətlərlə İsveçrə iqtisadiyyatının ekoloji transformasiyasını maliyyələşdirəcəyini bildirirlər. Verginin, bir şəxsin miras qoyduğu və ya hədiyyə etdiyi 62 milyon dolları aşan bütün aktivlərə tətbiq olunması planlaşdırılırdı. Dəyişiklik qəbul olunsaydı ölkədə təxminən 2500 nəfərə təsir edəcəyi gözlənilirdi.