XAMENEİ NECƏ ÖLDÜRÜLÜB?
KƏŞFİYYAT İDARƏSİ ALİ DİNİ LİDERİ BİR NEÇƏ AY İZLƏYİB
ABŞ-nin Mərkəzi Kəşfiyyat İdarəsi Xamneyini bir neçə ay izləyərək onun olduğu yer barədə dəqiq məlumat tolayıb. @CaucasianLive teleqram kanalı yazır ki, idarə 28 fevral səhər saatlarında Tehranın mərkəzində, Ali Rəhbərin iqamətgahında yüksək rütbəli iranlı rəsmilərin iştirakı ilə görüş keçiriləcəyi və həmin görüşdə Xamneyinin özünün də iştirak edəcəyi barədə informasiya əldə edib və İsrailə ötürüb. İsrail kəşfiyyatı müəyyən edib ki, görüşdə SEPAH komandanı Məhəmməd Pakpur, müdafiə naziri Əziz Nasirzadə, Hərbi Şura rəhbəri admiral Əli Şamxani, SEPAH Hərbi-Kosmik Qüvvələr komandanı Seyid Məcid Musəvi və kəşfiyyat nazirinin müavini Məhəmməd Şirazi də iştirak edəcək. Əməliyyat səhər saat 6-da İsrailin qırıcılarının havaya qalxması ilə başlayıb, 09:40-da uzaqmənzilli raket zərbələri kompleksə endirilib. Zərbə zamanı SEPAH və Müdafiə Nazirliyinin yüksək rütbəli nümayəndələri bir binada, Xamneyi isə qonşu binada olub. Hücumdan sonra kəşfiyyat rəhbərlərinin yerləşdiyi digər obyektlər də vurulub.
