Azərbaycanda yerli istehsal avtobusların satışı ƏDV-dən azad edilir
Azərbaycanda istehsal olunan avtobusların satışı və onların istehsalı üçün ehtiyat hissələrinin idxalı 8 il müddətinə ƏDV-dən azad ediləcək.
“Report”un xəbərinə görə, bu dəyişiklik Vergi Məcəlləsinə ediləcək yeniliklərdə nəzərdə tutulur. Dəyişikliyə əsasən, Azərbaycan ərazisində istehsal edilən avtobusların satışı və hüquqi şəxslər tərəfindən istehsal məqsədilə müvafiq təsdiqedici sənəd əsasında ehtiyat hissələrinin idxalı 2025-ci ilin yanvarın 1-dən ƏDV-dən azad olunacaq.
Mənbə: Report
