Neftçalada 21,7 min ton pambıq istehsal edilib

Neftçala rayonunda bu günə qədər 21,700 ton pambıq yığılıb.

“Report”un Aran bürosunun məlumatına görə, bu il rayon ərazisində 8 min hektar sahədə pambıq əkilib. Aqrotexniki qaydalara əməl olunması sayəsində sahələrdə bol məhsul yetişdirilib.

Yığılan məhsulun 90-95 faizi pambıqyığan maşınlarla toplanıb. İndiyə qədər 7,400 hektar sahənin məhsulu tədarük məntəqələrinə təhvil verilib. Orta məhsuldarlıq hər hektardan 27 sentner təşkil edir.

Hazırda pambıq yığımı davam edir.

Mənbə: Report