“Ford” Avropada 4 min iş yerini ixtisar edəcək

Elektrikli avtomobillərə tələbatın azalması və Çin istehsalçıları ilə rəqabətin artması səbəbindən “Ford” şirkəti 2027-ci ilin sonuna qədər Avropada təxminən 4 min iş yerini ixtisar etməyi planlaşdırır.

“Financial Times”a istinadən, “Report”un xəbərinə görə, ixtisarlar əsasən Almaniyada (3 min) və Böyük Britaniyada (800) həyata keçiriləcək və bu, şirkətin Avropadakı işçi qüvvəsinin 14 %-ni təşkil edir.

Şirkət daha gəlirli sahələrə diqqət yönəltməyi hədəfləyir. “Ford”un vitse-prezidenti Deyv Conston bu addımların Avropada rəqabətədavamlı qalmaq üçün vacib olduğunu bildirib.

Eyni zamanda, Almaniyada “Volkswagen” də oxşar səbəblərlə zavod bağlamaları və genişmiqyaslı ixtisarlar planlaşdırır.

Mənbə: Report