Azərbaycana 9 ayda 1 milyondan çox smartfon idxal edilib
2024-cü ilin yanvar-sentyabr aylarında Azərbaycana 289,2 milyon ABŞ dolları dəyərində 1,03 milyon ədəd smartfon idxal edilib ki, bu da ötən ilin eyni dövrü ilə müqayisədə say baxımından 14,4% (130 min ədəd), dəyər baxımından isə 21% (50,1 milyon dollar) çoxdur.
Dövlət Statistika Komitəsinə görə, smartfonların orta idxal qiyməti 474 manat olub (2023-cü ildə 448 manat idi). Əsas idxal ölkələri: Çin (811 min ədəd, 450 manat), Vyetnam (161 min ədəd, 586,5 manat), Hindistan (59 min ədəd, 406 manat) və ABŞ (3 min ədəd, 1920 manat).
Eyni dövrdə Azərbaycandan 176,5 min dollar dəyərində 944 ədəd smartfon ixrac edilib. Orta ixrac qiyməti isə 317,8 manat təşkil edib.
