Qlobal elektrik avtomobillərin satışında REKORD RƏQƏM – 40 faiz ARTDI

İngiltərə mərkəzli araşdırma şirkəti “Rho Motion” tərəfindən elektrik avtomobil satışları ilə bağlı yeni məlumat açıqlanıb.

Böyük Britaniyanın “Rho Motion” araşdırma şirkətinin məlumatına görə, noyabr ayında tam elektrik və plug-in hibrid avtomobillərin qlobal satışları ardıcıl üçüncü dəfə rekord qıraraq 1,83 milyon ədədə çatıb. Bu, illik 32%, aylıq isə 6% artım deməkdir.

Marja xəbər verir ki, ay ərzində elektrikli avtomobillərin 70%-i Çində satılıb. Çin satış artımına liderlik etməyə davam edir, Avropada isə satışlar azalıb.

Noyabr ayı ərzində elektrik avtomobillərinin 70%-i Çində satılıb, burada satışlar illik 50% artaraq 1,27 milyon avtomobil təşkil edib. ABŞ və Kanadada isə satışlar 16,8% artaraq 170 min avtomobilə çatıb. Avropada satışlar bir qədər azalsa da, oktyabrla müqayisədə 7,7% artım qeydə alınıb.

Yanvar-noyabr dövründə qlobal elektrik avtomobil satışları 25% artaraq 15,2 milyona yüksəlib. Bu müddətdə Çində satışlar 40% artımla 9,7 milyon avtomobilə çatıb, Avropa Birliyi və Böyük Britaniyada isə satışlar 3% azalıb.

Ekspertlər, xüsusən Çində hökumət təşviqlərinin elektrik avtomobillərə tələbi daha da artırdığını vurğulayırlar.

Mənbə: Marja