Elektron hərraclarda “SİMA İmza” ilə sürətli və təhlükəsiz iştirak

“AzInTelecom” MMC tərəfindən yaradılan SİMA yeni nəsil rəqəmsal imza artıq herrac.gov.az portalına inteqrasiya edilib. Bununla da, elektron hərraclarda protokolların məsafədən imzalanması mümkün olub.

Vətəndaşlar məhkəmə və digər orqanların qərarları əsasında satışa çıxarılan avtomobil, mənzil, qeyri-yaşayış sahələri və digər obyektlər üzrə hərraclara “SİMA İmza” mobil tətbiqi vasitəsilə qoşula bilərlər. Hərrac başa çatdıqdan sonra protokollar qanunla müəyyən edilmiş müddətdə imzalanır və iştirakçılara elektron bildiriş göndərilir.

Bu yenilik vətəndaşların xidmət mərkəzlərindən asılılığını aradan qaldırır, hərrac prosesini sürətləndirir və təhlükəsizliyi artırır. “SİMA İmza” mobil tətbiqini yükləməklə ödənişsiz rəqəmsal imza əldə etmək mümkündür.

Daha ətraflı məlumat üçün sima.az saytına daxil ola və ya 157 Zəng Mərkəzi ilə əlaqə saxlaya bilərsiniz.