KİMLƏRƏ İKİ DƏFƏ ÇOX MAAŞ ÖDƏNİLƏCƏK?

KİMLƏRƏ İKİ DƏFƏ ÇOX MAAŞ ÖDƏNİLƏCƏK?
MİLLƏT VƏKİLİNDƏN MÜHÜM AÇIQLAMA

İstirahət günlərində, səsvermə günlərində, iş günü sayılmayan bayramlarda və ümumxalq hüzn günündə işləyən işçilərə maaş hesablanarkən artıq təkcə gündəlik deyil, saatlıq maaş da nəzərə alınacaq. Bu “Əmək Məcəlləsi”nə təklif edilən dəyişikliklər də yer alıb. Millət vəkili Vüqar Bayramov bildirib ki, dəyişikliklərə əsasən:
• Saatla maaş alan işçilərə həmin günlərdə gördükləri işə görə saatlıq maaşın iki qatı ödəniləcək.
• İşəmuzd çalışanlara görülən iş ikiqat tariflə hesablanacaq.
Aylıq maaş alan işçilər isə əgər norma daxilində işləyiblərsə, maaşdan əlavə gündəlik və ya saatlıq maaş alacaqlar.Əgər normadan artıq işləyiblərsə, maaşdan əlavə ikiqat gündəlik və ya saatlıq maaş ödəniləcək. Bu dəyişiklik ona görə vacibdir ki, bəzi hallarda işçi həmin günlərdə tam gün yox, yalnız bir neçə saat işləyir. Yeni qaydalar sayəsində işçilər işlədikləri hər saata görə əlavə və ədalətli maaş alacaqlar.Məsələn, əgər işçinin saatlıq maaşı 25 manatdırsa və o, bayram və ya istirahət günü 3 saat işləyibsə, əvvəl 75 manat alırdı. Yeni qaydalara görə isə ən azı 150 manat alacaq.