DÜNYANIN ƏN ZƏNGİN SİLAH SAHİBKARI OLDU
SƏRVƏTİNİ UKRAYNAYA HƏRBİ SURSAT SATMAQLA ARTIRDI
Çexiyanın müdafiə şirkəti «Czechoslovak Group» səhmlərini ilk dəfə bazarda satandan sonra şirkətin sahibi və baş direktoru Mixal Strnadın sərvəti 37 milyard dollara çatıb və o, dünyanın ən zəngin silah sahibkarı olub. FED.az xəbər verir ki,cəmi 33 yaşı olan Strnad şirkəti atasından miras alıb. 21 yaşında CSG-nin baş direktoru, beş il sonra isə sahibi olub. 2025-ci ilin mayında o, Şərqi Avropanın ən varlı adamı seçilib.Czechoslovak Group Avropanın aparıcı artilleriya və ağır hərbi texnika istehsalçılarındandır. Şirkət məhsullarını Ukrayna və NATO ölkələrinə tədarük edir və 14 000-dən çox işçini işlə təmin edir. «Czechoslovak Group»un ulduzu Ukrayna müharibəsindən sonra parlayıb. «Reuters» agentliyinin məlumatına görə, Ukrayna müaribəsin başlayandan sonra sursat, hərbi yük maşınları, zirehli maşınlar və raket buraxıcılarının istehsalı sayəsində «Czechoslovak Group» Avropada ən sürətlə böyüyən müdafiə şirkətlərindən birinə çevrilib.Şirkət 2024-cü ildə gəlirlərinin üçdə birini bu münaqişədən əldə edib və artıq Ukraynada iri çaplı artilleriya mərmilərinin istehsalına başlayıb. «Bloomberg» agentliyinin tərtib etdiyi «Milyarderlər İndeksi»nə görə, o, dünyanın 40 yaşdan kiçik üçüncü ən varlı insanıdır. https://fed.az/az/birja/33-yasli-is-adami-ukraynaya-silah-satmaqla-dunyanin-37-mi%CC%87lyard-topladi-si%CC%87lah-baronu-250235 https://valyuta.az/news/o-40-yasina-qeder-milyarder-olmus-3-neferden-biridir
