AZƏRBAYCANDA EVLƏRİN SIĞORTA MƏBLƏĞİ ARTIRILIR
MƏNZİL SAHİBLƏRİNƏ XOŞ XƏBƏR AZƏRBAYCANDA EVLƏRİN SIĞORTA MƏBLƏĞİ ARTIRILIR
Azərbaycanda daşınmaz əmlakların 8-10 %-i sığortalıdır. Görülən tədbirlərə baxmayaraq, sığortalama səviyyəsini kəskin artırmaq hələ ki, mümkün olmayıb.”Report” xəbər verir ki, bunu Azərbaycan Mərkəzi Bankının baş direktoru Vüsal Qurbanov ATV-nin “İqtisadi zona” verilişinin efirində bildirib.
Onun sözlərinə görə,daşınmaz əmlakın sığortasına marağın az olmasında bu sahədə risklərin yüksək olmaması böyük rol oynayır.Vüsal Qurbanov
Azərbaycanda daşınmaz əmlakın icbari sığortası ilə bağlı mühüm dəyişikliklərin olacağını da bildirib.Yeniliklərə əsasən, mənzil və evlər üzrə sığorta məbləğləri artırılacaq, kompensasiya hesablanması isə daha ədalətli prinsiplərlə aparılacaq.Onun sözlərinə görə
hazırda sığorta məbləğləri əmlakın yerləşdiyi əraziyə görə müəyyən edilir və bu da bir çox hallarda real bazar dəyərindən xeyli aşağı qalır. Məsələn, dəyəri 50 min manat olan mənzil üçün Bakıda sığorta şirkətinin maksimum öhdəliyi cəmi 25 min manat təşkil edir.Yeni dəyişikliklərə əsasən isə mənzilin və ya yaşayış sahəsinin dəyəri artıq yerləşdiyi əraziyə görə deyil, 1 kvadratmetrin bazar qiyməti əsasında hesablanacaq. Bu isə o deməkdir ki, vətəndaşların əmlakı real dəyərinə daha yaxın məbləğdə sığortalanacaq.Bu addım sığortaçıların öhdəlik limitlərini artırmaqla yanaşı, əmlak sahiblərinin mümkün zərərlər zamanı daha yüksək kompensasiya almasına şərait yaradacaq.
