İNVESTİSİYA TƏŞVİQİ SƏNƏDİ 2029-CU İLƏDƏK VERİLƏCƏK

Bu günədək Azərbaycanda 528 sahibkarlıq subyektinə 633 investisiya təşviqi sənədi təqdim edilib.Bu barədə Kiçik və Orta Biznesin İnkişafı Agentliyindən məlumat verilib.Bildirilib ki, investisiya təşviqi sənədi alan 552 layihə artıq fəaliyyətə başlayıb.İndiyədək texnika, texnoloji avadanlıq və qurğuların idxalı üçün 6 604 təsdiqedici sənəd verilib. Sahibkarlar idxal zamanı tətbiq olunan vergi və rüsumlardan ümumilikdə 350,5 milyon ABŞ dolları məbləğində güzəşt əldə ediblər.İnvestisiya təşviqi sənədi 1 yanvar 2029-cu ilədək bir sıra strateji istiqamətlər üzrə layihələrə veriləcək. Bu istiqamətlərə yerli xammala əsaslanan istehsal, bərpaolunan enerji, tullantıların idarə olunması və təkrar emal, dərman və əczaçılıq məhsullarının istehsalı, kənd təsərrüfatı və aqropark layihələri, hərbi təyinatlı məhsulların istehsalı, eləcə də informasiya və kommunikasiya texnologiyaları üzrə sənaye məhsullarının istehsalı və digər sahələr daxildir.Sənədi əldə edən layihələr 7 il müddətində torpaq və əmlak vergisindən, texnika və avadanlıqların idxalına görə gömrük rüsumu və ƏDV-dən azad edilir. Mənfəət və gəlir vergisinə isə 50 faiz güzəşt tətbiq olunur.Qeyd edək ki, investisiya təşviqi mexanizmi Azərbaycanda 2016-cı ildən tətbiq edilir.