İRAN TƏLƏB ETDİYİ TƏZMİNATIN MƏBLƏĞİNİ AÇIQLAYIB

İRAN TƏLƏB ETDİYİ TƏZMİNATIN MƏBLƏĞİNİ AÇIQLAYIB İLKİN OLARAQ 270 MİLYARD DOLLAR CİVARINDADIR

İran ABŞ və İsrailin həyata keçirdiyi hücumlar nəticəsində ölkəyə dəyən ziyanın ilkin olaraq təxminən 270 milyard dollar olduğunu açıqlayıb. Bunu “RİA Novosti”yə müsahibəsində İran hökumətinin sözçüsü Fatma Mühacerani deyib. O məsələ ilə bağlı İran rəsmilərinin, o cümlədən, Prezident Məsud Pezeşkianın müxtəlif vaxtlarda zərərin kompensasiyası məsələsini əsas tələb kimi gündəmə gətirdiklərini bildirib. Mühacerani təzminat hesablamalarına mülki infrastrukturla yanaşı, hücumlar nəticəsində həlak olan şəxslərin, o cümlədən, Minab bölgəsində məktəbə edilən hücumda həyatını itirənlərin də daxil edildiyini qeyd edib. Bildirilib ki, 8 aprel tarixində atəşkəs elan edildikdən sonra Tehran tərəfi danışıqlarda əsas şərtlərdən biri kimi “İrana dəyən ziyanın tam hesablanması və ödənilməsi” məsələsini irəli sürüb.