İŞƏ GÖTÜRƏNLƏRİN DİQQƏTİNƏ

İŞƏ GÖTÜRƏNLƏRİN DİQQƏTİNƏ İŞDƏN ÇIXARILMA QAYDALARI DƏYİŞİR

Azərbaycanda işçilərin işdən azad olunması qaydalarına dəyişiklik edilir. Təklif layihəsi Milli Məclisin Regional məsələlər komitəsinin iclasında müzakirə olunub.Dəyişikliyə əsasən, icbari tibbi müayinə ilə bağlı verilmiş tibbi rəydə işçinin əmək funksiyalarının yerinə yetirilməsinə əks göstərişlər aşkar edildikdə o, işdən azad edilə bilər. Həmçinin, işçi müəyyən olunan qaydada əməyin mühafizəsi üzrə təlimdə iştirak etməkdən və biliyinin yoxlanılmasından boyun qaçırdıqda və əmək vəzifələrinin pozulması halının araşdırılmasına maneçilik törətdikdə də işdən azad edilə biləcək.Bununla bərabər, işçinin işdən kənarlaşdırıldığı müddət hər bir konkret halın xarakterinə, işçinin işdən kənarlaşdırıldığı müddətdə həmin halın aradan qalxmasına və ya davam etməsi ondan asılı olan hallarla bağlı işçinin etdiyi hərəkətlərə uyğun olaraq işəgötürən tərəfindən müəyyən edilir.