STRATEJİ VALYUTA EHTİYATLARIMIZ 88,4 MİLYARD DOLLARA ÇATDI
STRATEJİ VALYUTA EHTİYATLARIMIZ 88,4 MİLYARD DOLLARA ÇATDI QEYRİ-NEFT-QAZ GƏLİRLƏRİ 70%-Ə ÇATDIRILACAQ
Strateji valyuta ehtiyatlarımız 88,4 milyard dollara çatıb.Bunu maliyyə naziri Sahil Babayev Milli Məclisin İqtisadi siyasət, sənaye və sahibkarlıq komitəsinin iclasında “Azərbaycan Respublikasının 2025-ci il dövlət büdcəsinin icrası haqqında” qanun layihəsinin müzakirəsi zamanı deyib.Nazir bildirib ki, Azərbaycan dövlət borcunun ümumi daxili məhsula nisbətinin ən aşağı olduğu ölkələrdən biridir. Dövlət borcunun məzənnə və xarici bazar riskləri bu dövr ərzində azalıb. Orta ödəmə müddətimiz artıq 3,83 ilə çatıb. Strateji valyuta ehtiyatlarımız 88,4 milyard dollara çatıb ki, bu da ÜDM-i təqribən 15% üstələyir. Büdcəmiz profisitlə icra edilib. Büdcənin icrasında cari xərclərə nəzər saldıqda, qeyri-neft gəlirləri hesabına onların örtülməsi 92%-ə çatıb ki, bu da proqnozdan 7,5%-dən çoxdur. Bunu gələn il 100%-ə çatdırmağı hədəfləyirik” deyə nazir bildirib. Həmçinin vurğulayıb ki,2029-cu ildə büdcədə qeyri-neft-qaz gəlirlərinin payı 70 %-ə çatdırılacaq.
